როგორ იხარშება ლუდი

ლუდის მოასამზადებლად გამოიყენება შემდეგი ინგრედიენტები:

ალაო–მზადდება  გამომშრალი ქერის მარცვლებისაგან.

სვია—არის მრავალწლოვანი მცენარე. ლუდის დასამზადებლად გამოიყენება სხვადასხვა ჯიშის სვია არომატული ან მომწარო.

საფუარი  — აუცილებელია ბადაგის დუღილის დასაწყებად

წყალი —  ბათუმის  წყლის საუკეთესო თვისებები დადებითად აისახება ბათუმური ლუდის მომზადებაში.

• ალაოს მომზადება  და ბადაგის შელესვა – ალაოს აქუცმაცებენ და ურევენ წყალთან. შელესვის დროს სახამებელი მარცვლებში გარდაიქმნება შაქრად და ხსნად ნივთიერებებად. მიღებული ნარევი ამ დროს ღებულობს მოტკბო გემოს. (ვიდეო)
• ბადაგის ფილტრაცია – ბადაგი გადაიქაჩება ფილტრში სადაც ხდება გაფილტვრა გაუხსნელი ქერის მარცვლების ნარჩენებისაგან. (ვიდეო)
• ბადაგის ხარშვა – მიღებულ ნარევს ემატება სვია და იხარშება 1-2 საათი. ხარშვისას სვია იხსნება, გარდა ამისა, ხდება ლუდისთვის არასასიამოვნო გემოს მიმცემი სხვადასხვა არომატული კომპონენტების აორთქლება. (ვიდეო)
• ბადაგის გაღაიავება –  ბადაგი გადაიქაჩება ვირპულში ქერისა და სვიის გაუხსნელი ნარჩენების გამოსაყოფად. ეს გაუხსნელი ნაწილაკები ცენტრისკენული ძალის მოქმედებით გროვდებიან ჰიდროციკლონის რადიუსის გასწვრივ. 20-30 წუთის შემდეგ დადუღებულ ლუდის ბადაგს გამოაცალკევებენ გაუხსნელი ნარჩენებისაგან.
• ბადაგის გაციება – მიღებული ბადაგი გადაიქაჩება სპეციალურ რეზერვუარში ამ დროს ის ცივდება და ხდება მისი ჟანგბადით გაჯერება, რაც აუცილებელია საფუარის კვებისთვის.
• ფერმენტაცია– მიღებულ ცივ ბადაგს უმატებენ ლუდის საფუარს და ხდება მისი დადუღება დაბალ ტემპერატურაზე რამოდენიმე კვირა. დადუღების შედეგად მიიღება „ცოცხალი“ ლუდი. „ცოცხალი“ იმიტომ, რომ ის სავსეა მიკროორგანიზმებით (ლუდის საფუარის), სასარგებლო მიკრო და მაკრო-ელემენტებით, მასში ძალიან მაღალია ვიტამინ PP შემცვლელობა.
• ფილტრაცია – ლუდი იფილტრება საფუარის ნარჩენებისგან.
• პასტერიზაცია – ზოგიერთი ლუდის სახეობა გადის პასტერიზაციის ეტაპს – ანუ ლუდი ცხელდება 66-67◦ C გრადუსამდე, რის შედეგადაც იზრდება ლუდის შენახვის ხანგრძლივობა.
• ლუდი სარეალიზაციოდ მზად არის მოხარშვიდან 28 დღის შემდგომ